malinovka.a-brest.byОТДЕЛЕНИЕ ПЛАСТИЧЕСКОЙ ХИРУРГИИmalinovka.a-brest.byЖилые комплексы в БрестеАвтономия

ГлавнаяНовостиБрест и регионУ Берасці з’явіліся муралы з вершамі класікаў беларускай паэзіі

У Берасці з’явіліся муралы з вершамі класікаў беларускай паэзіі

17 декабря 2019 - Сергей Романюк

У цэнтры Берасця, на вуліцах Гогаля, Камсамольская і Маякоўскага, прапісаліся вершы Максіма Багдановіча, Генадзя Бураўкіна і Ніны Мацяш.

Новая для Берасця ідэя з’явілася дзякуючы вучню Гімназіі №1 Дзянісу Рабчуку, які стварыў валанцёрскую ініцыятыву #vershybrest і падаў сваю ідэю на конкурс у рамках Школы праектнага мэнэджэра, якая праводзіцца Агенцтвам рэгіянальнага развіцця “Дзедзіч”.

– Ідэя з'явілася нечакана, падчас шпацыру па Львову, дзе ўжо ёсць падобныя муралы. Тады я падумаў і вырашыў: “Трэба дзейнічаць”. Я напісаў невялікі праект “#vershybrest”, падаў яго на конкурс у межах “Школы праектнага мэнэджара” і перамог у ім. Атрымаў фінансаванне на маляванне трох вершаў, – распавядае аўтар валанцёрскай ініцыятывы #vershybrest Дзяніс Рабчук.

Акцыя атрымала падтрымку старшыні берасцейскага гарвыканкаму Аляксандра Рагачука. Вялікую дапамогу ў выбары месцаў для малюнкаў і ў аператыўным выкананні неабходных адміністрацыйных працэдур і дазволаў аказалі галоўны архітэктар Берасця Мікалай Уласюк і кіраўнік аддзела ідэалогіі Генадзь Іванчын.

Для малявання Дзяніс запрасіў мастачку Юлія Раманчук, якая ў канцы лістапада пачала працу над рэалізацыяй ініцыятывы. Першым быў напісаны верш Максіма Багдановіча, затым верш Генадзя Бураўкіна і напрыканцы – Ніны Мацяш.

Як распавёў Дзяніс Рабчук, на гэтым ініцыятыва не скончыцца. У бліжэйшы час плануецца запуск краўндфандынгавай кампаніі па зборы сродкаў на ўпрыгожванне вершамі беларускіх класікаў іншых дамоў у цэнтры горада. Актывісты плануюць намаляваць яшчэ два дзясяткі муралаў-вершаў. Дарэчы, ужо зараз кожны берасцеец можа прапанаваць камандзе #vershybrest тыя вершы беларускіх класікаў, якія абавязкова павінны прачытаць жыхары і госці нашага гораду. Прапановы можна дасылаць на пошту: dzedzich.video@gmail.com ці ў асабістыя паведамленні ў Інстаграм ініцыятывы: @vershy.brest.

Сачыць за иніцыятывай можна ў “ВК” @vershybrest ці ў Інстаграме @vershy.brest. Адзначайце хэштэгам #vershybrest фотаздымкі на фоне муралаў з вершамі і прапануйце свае ідэі па пашырэнні ініцыятывы. Давайце разам зробім наш горад яшчэ больш прыгожым і цікавым.

Валанцёрская ініцыятыва #vershybrest рэалізавана ў межах “Школы праектнага мэнэджара” і пры падтрымцы АРР “Дзедзіч”.

 

Прэс-служба АРР "Дзедзіч"

 

 

Похожие статьи:

Дороги и чудакиРеспубликанская профилактическая акция «Открой сезон без нарушений!»

Брест и регионВ Ивацевичах несовершеннолетний надругался над Государственным флагом

Брест и регионКакие семьи могут воспользоваться бесплатной попыткой ЭКО?

Брест и регионЗима все еще близко. В Бресте во вторник будет до +10°С, а в пятницу — снег

Брест и регионПоликлиники оптимизируют работу для защиты населения от COVID-19

Поделиться:
Комментарии (0)

Нет комментариев. Ваш будет первым!

Свяжитесь с нами по телефонам:

+375 29 7 956 956
+375 29 3 685 685
realbrest@gmail.com

И мы опубликуем Вашу историю.