Незвычайныя і нават экзатычныя для Берасця расліны прапішуцца 12 красавіка ў дворыку дома № 37 па вул. Карбышава.
Актывісты Агенцтва рэгіянальнага развіцця “Дзедзіч” запрашаюць усіх ахвотных прыняць удзел у акцыі па пасадцы дрэваў і кустарнікаў. Плануецца высадзіць такія нетыповыя для берасцейцаў дрэвы, як сакура, міндаль, хурма, бамбук, гібіскус і шмат іншых. Усяго, каля 30 дрэваў.
Прыняць удзел у пасадцы можа кожны жыхар горада – дастаткова проста звязацца з арганізатарамі і паведаміць, што вы плануеце прыйсці. Кожны ўдзельнік зможа пасадзіць сваё персанальнае дрэва, каб пасля сачыць за яго ростам, даглядаць і клапаціцца аб ім.
Падчас пасадкі адбудзецца майстар-клас ад Анатоля Арлова – гаспадара пітомніка па вырошчванні дрэў і кустоў. Ён распавядзе пра рэдкія дрэвы, якія можа вырасціць кожны чалавек на сваім падворку, пра асаблівасці кожнага дрэва ў Садзе і адкажа на пытанні ўдзельнікаў.
Актывісты кампаніі па стварэнні Сада паўднёвых раслін у цэнтры Берасця запрашаюць на першае мерапрыемства. Пачатак у 16.30. Працягласць – каля 3 гадзін.
Арганізатары просяць па магчымасці прыносіць з сабой садовыя інструменты – рыдлёўкі і граблі.
Па ўсіх пытаннях, звязаных з удзелам у мерапрыемстве, можна звяртацца да Наталлі (8033-6078529) ці Дзяніса (8029-8010147).
Дзедзіч
Похожие статьи:
Брест и регион → Новые алгоритмы лечения онкозаболеваний обсуждают в Бресте
Дороги и чудаки → В Ивановском районе водитель Фольксвагена съехал в кювет. Пострадал 17-летний пассажир
Дороги и чудаки → В Пинске мужчина поджёг автомобиль, чтобы скрыть следы преступления
Брест и регион → Покорить астраханские пески
Брест и регион → Школьник бросил в костер аэрозольный баллончик и получил многочисленные ожоги
