У мінулую суботу 12 студзеня ў Ганцавіцкім раённым доме рамёстваў адбылася ўжо традыцыйная для нашага раёна калядная сустрэча “Шчодры вечар”.
На Ганцаўшчыне ў кожнай вёсцы захаваліся свае багатыя традыцыі каляднага свята, унікальныя і непаўторныя. Таму галоўнай мэтай сустрэчы стала імкненне паказаць адметнасць каляднай абраднасці ў вёсках нашага раёна. Так на працягу гадзіны ў жывой нязмушанай атмасферы традыцыі святкавання Каляд у сваёй мясцовасці прадставілі ўдзельнікі дзіцячых фальклорных калектываў з вёскі Люсіна, “Крынічка” з вёскі Хатынічы, а таксама “Раўчукі” з вёскі Раздзялавічы. Выступленне кожнага калектыву ўразіла гледачоў сваёй самабытнасцю і арыгінальнасцю.
Калядная сустрэча, як і заўсёды, выклікала цікавасць не толькі ў дзяцей, але і ў дарослых. Наведвальнікі мерапрыемства прынялі ўдзел у майстар-класе па вырабе каляднай зоркі і маскі - галоўных калядных сімвалаў. А сапраўдную святочную атмасферу госці свята адчулі падчас паказу каляднай дзеі “Батлеемскія цуды” традыцыйнага лялечнага тэатра “Батлейка”.
На працягу ўсяго свята панаваў добры настрой і атмасфера традыцыйнага святкавання Каляд.
Наталля Білімава
малодшы навуковы супрацоўнік
Ганцавіцкага раённага дома рамёстваў
Похожие статьи:
Брест и регион → В Бресте установят самые большие сковородки в Беларуси. Узнали, где и для чего
Брест и регион → Люди на озере: некогда политику смотреть, картошку копать надо
Брест и регион → Распространителей стероидов задержал наркоконтроль: изъято более 700 таблеток
Дороги и чудаки → В Кобрине совершен наезд на велосипедистку
Брест и регион → Ожирение – опасный спутник диабета!
