Нагадаем, што ў святкаваннях Дня беларускага пісьменства ў Бялынічах Магілёўскай вобласці прымае ўдзел і Брэсцкае абласное аддзяленне Саюза пісьменнікаў Беларусі.
Мерапрыемствы прымеркаваныя святу кнігі пачаліся са службы і запальвання Святога агню ў храме Бялыніцкай іконы Божай Маці. Затым на плошчы каля царквы пачала працу творчая прэзентацыя міжнароднага фестывалю "Магутны Божа".
Прайшло чытанне паэзіі і канцэрт духоўнай музыкі з удзелам аддзялення званароў Мінскага духоўнага вучылішча, Магілёўскай гарадской капэлы, акадэмічных хароў устаноў адукацыі Магілёўскай вобласці.
На вуліцы Савецкай размясціліся выставы-вернісажы выяўленчага і паэтычнага мастацтва, працуюць розна-тэматычныя пляцоўкі " Жывыя партрэты", "Сучасная беларуская кніга"...
Праходзяць выступленні салістаў-інструменталістаў, народных выканаўцаў, талентаў Магілёўскай зямлі. На пляцоўцы "Слова пісьменніка" гучалі лірычныя радкі беларускіх творцаў, у тым ліку і паэтаў Берасцейшчыны. Свае вершы чытала Аксана Валуй, Валерый Грышкавец, Мікола Бусько, выступілі старшыня абласной суполкі Таццяна Дземідовіч, журналіст, гісторык Анатоль Бензярук, які адзначыў, што Магілёўшчына - гэта адна з трох калысак, з якой нарадзілася сучасная Беларусь.
Свята працягнула адкрыццё скульптурнай кампазіцыі, прысвечанай Бялыніцкай іконе Божай Маці і мастацкага музея імені Бялыніцкага-Бірулі.
Натлля ШЛЯЖКО, Удадзіслаў ГРЫБАНАЎ, Брестский вестник
Похожие статьи:
Дороги и чудаки → В Бресте появился диагональный пешеходный переход
Брест и регион → В Бресте на улице Карбышева возле университета хотят снести сараи и построить новое здание
Брест и регион → Два подростка отравились вином в Лунинце
Брест и регион → Пострадавшие в бассейне Барановичей дети готовятся к выписке
Дороги и чудаки → «Рено» под завязку набитый удобрениями остановили в Пинском районе
