Реальный Брест

дентикоальтернативаАльтернативаlagunahotel.byЖилой дом по ул. Московской, 247

ГлавнаяНовостиБрест и регионФестываль гісторыі і культуры «Úlmus» рыхтуецца берасцейскімі актывістамі ў партнёрстве з мясцовымі ўладамі

Фестываль гісторыі і культуры «Úlmus» рыхтуецца берасцейскімі актывістамі ў партнёрстве з мясцовымі ўладамі

Фестываль, прымеркаваны да гадавіны атрымання Берасцем Магдэбургскага права, пройдзе 17 жніўня ў Гарадскім садзе, дзе зараз адбываецца добраўпарадкаванне тэрыторыі. Наведаць імпрэзу зможа кожны - уваход будзе бясплатны.

- Гэта сучасны фестываль у новым для горада фармаце і ў незвычайным месцы. Мы праводзім яго, каб кожны актыўны берасцеец мог адзначыць 1000-годдзе Берасця не толькі як глядач - старонні назіральнік, але і як актыўны ўдзельнік, як арганізатар адной са святочных імпрэзаў. І, канешне, у нашых планах паказаць сярэднявечную гісторыю Берасця ў сучасным, прывабным для моладзі фармаце - з інтэрактывам, крэатыўным візуалам, элементамі віртуальнай і дапоўненай рэальнасці, - паведаміла адна з каардынатарак фестывалю Алена Каховіч.

Арганізатары заклікаюць далучацца да арганізацыі фестывалю актыўных берасцейцаў, якім цікава яго тэматыка і сучасныя фарматы вулічных святаў. Можна прапаноўваць свае ідэі для розных пляцовак актыўнасцяў. Можна аказваць валанцёрскую дапамогу падчас падрыхтоўкі і правядзення фэсту. Можна стаць спонсарам або партнёрам фестывалю. А можна паўдзельнічаць у сустрэчах з арганізатарамі падобных імпрэз з іншых гарадоў Беларусі і прыдумаць свае ўласныя “фішкі”. У бліжэйшыя месяцы дзяліцца ідэямі ў Берасце прыедуць эксперты ў арганизацыі фестывалей у Беларусі.

Далучыцца да каманды арганізатараў, спонсараў і валанцёраў Фестывалю гісторыі і культуры «Úlmus» можна з дапамогай гэтай формы: https://forms.gle/Vj2MFya8o9n7iv1P8.

На сённяшні момант на фестывалі «Úlmus» плануецца арганізаваць 11 пляцовак з рознымі актыўнасцямі:

1. Інфазона (можна будзе даведацца пра свята і атрымаць мерч фестывалю).

2. Пікнік.

3. Фудкорт.

4. Дзіцячая пляцоўка.

5. Маркет (пляцоўка продажу вырабаў рамеснікаў і лакальных брэндаў).

6. Лекторый (лекцыі па гісторыі Берасця, што насілі, як працавалі і дзе адпачывалі берасцейцы 500 год таму).

7. Гістарычная лакацыя (візуальныя і інтэрактыўныя матэрыялы пра гісторыю Берасця).

8. Сцэна (акустычны музычны канцэрт).

9. Альтэрнатыўная пляцоўка анлайн-часопісу “Бінокль”.

10. Турыстычная лакацыя (пляцоўка фізічных актыўнасцяў для дзяцей і дарослых).

11. Арт-пляцоўка (лакацыя з інсталяцыямі і лэнд-артам).

Што: фестываль гісторыі і культуры «Úlmus».

Дзе: Берасце, Гарадскі сад, скрыжаванне вуліц Леніна і Машэрава.

Калі: 17 жніўня 2019, субота.

Арганізатары фестывалю: Агенцтва рэгіянальнага развіцця «Дзедзіч» і Адміністрацыя Ленінскага раёну Берасця пры падтрымцы Берасцейскага гарвыканкаму. Галоўны інфармацыйны партнёр фестывалю – часопіс “Бінокль”. Арганізацыйныя партнёры: Фонд развіцця Брэсцкай крэпасці, Інфармацыйна-асветніцкая ўстанова Аазіс, “MYSA bag”, грамадскія арганізацыі “Час Зямлі”, “YMCA”, ініцыятывы “Гарадскі ляснічы”, “Зала чакання”.

Даведка: Назва фестывалю - «Úlmus» - перакладаецца з латыні як вяз, або бэрэст. Менавіта ад гэтага слова, па меркаванні даследчыкаў, паходзіць назва Берасця.

 

Служба новостей Реального Бреста

 

 

Похожие статьи:

Брест и регионСертификат о статусе культурной столицы СНГ будет вручен Бресту 5 апреля

Дороги и чудакиВ Ганцевичском районе спасатели деблокировали пассажира съехавшего в кювет «Ниссан-Санни»

Брест и регионПо факту безвестного исчезновения ребенка в Каменецком районе возбуждено уголовное дело

Дороги и чудакиВ Пинске в ДТП тяжело травмированы водитель и пассажир мотоцикла

Брест и регионИнвесторы из США интересуются возможностями IT-индустрии в Бресте

Поделиться:
Комментарии (0)

Нет комментариев. Ваш будет первым!

отключен Javascript

Онлайн радио


Свяжитесь с нами по телефонам:

+375 29 7 956 956
+375 29 3 685 685
realbrest@gmail.com

И мы опубликуем Вашу историю.