Пяты выпуск з серыі падкастаў 34mag і МТС пра знакамітыя шляхетныя роды Беларусі прысвечаны Пуслоўскім — прагматыкам з рамантычнай душою. Паслухаць і спампаваць аповед пра гэтую ўплывовую сям’ю можна на беларускай і рускай мовах.
Новы падкаст расказвае, як Пуслоўскія спалучалі прадпрымальніцкі талент і любоў да мастацтва. Вялікая ўвага надаецца найбольш выбітным прадстаўнікам дынастыі, іх яскравым праектам і спадчыне. Так, Войцэх Пуслоўскі заснаваў у Хомску мануфактуру, дзе ўпершыню ў гісторыі суконнай індустрыі працаваў паравы рухавік. А пад Слонімам ён стварыў перадавы прамысловы комплекс, куды, акрамя суконнай вытворчасці, уваходзілі чыгуналіцейны завод і папяровая фабрыка.
Убачыць унёсак Пуслоўскіх у культуру Беларусі можна і сёння. На сродкі Войцэха і яго нашчадкаў было пабудавана і адноўлена каля 60 храмаў і капліц розных канфесій. Дагэтуль уражвае неверагодна прыгожы неагатычны палац у Косаве, пабудаваны Вандалінам Пуслоўскім у пачатку XIX стагоддзя.
Паслухаць падкаст пра Пуслоўскіх альбо спампаваць яго на рускай ці беларускай мовах можна на 34travel.me і 34mag.net, а таксама на платформах Apple Podcasts, Spotify, Castbox, Soundcloud, Google Podcasts і Яндекс. Музыка. Папярэднія выпускі праекта былі прысвечаны Радзівілам, Сапегам, Агінскім і Тызенгаўзам.
Похожие статьи:
Брест и регион → Профсоюзный мониторинг не выявил нарушений ценовой политики в Брестской области
История Бреста → В исторической части Бреста воссоздадут здание дореволюционной городской думы
Дороги и чудаки → В Беларуси автоцентр начал выдавать льготные кредиты на бэушки. Приценились
Реальный Брест → В Березе на месте концлагеря идут работы по реставрации памятника жертвам, подвергшимся пыткам
