На парадную тэму

Парады бываюць розныя. Чамусьці ў пэўных частках пост-савецкай прасторы яны - суцэльны дурны мілітарызм. Дурны - таму што ну пабрацалi вы сваёй адсталай тэхнікай, і што далей? Лiчыце што ўсіх напалохалі? Я вас умаляю.... Ці ідыёцкія гульні ў вайнушку, хлопчыкі-пераросткі хворыя інфантылізмам ніяк не суцешацца. Пра гэта больш нічога казаць не хачу, акрамя таго, што прыемна ад усяго гэтага знаходзіцца на унушальнай адлегласці.Але ёсць парады, куды хочацца пайсці, і дзе адчуваеш яднанне з усёй сваёй краінай і нават з усім светам у цэлым. Ніякай ваеннай тэхнікі, толькі гонар за сваю ўнікальнасць і любоў да сваёй краіны, якая таксама з любоўю і павагай ставіцца да ўсіх сваіх грамадзян з розных куткоў планеты.Сёння мы ў складзе дэлегацыі Згуртавання Беларусаў Канады прайшлі на парадзе нацый у гонар 150 годдзя Канады ў Таронта. Пра гэта мерапрыемства нават у СМІ ўжо напісаліЦудоўны беларускі бусел і гіганцкія валошкi сталі сапраўдным хітом. Аўтамабіль са старажытнымі гербамі беларускіх гарадоў і беларускім гістарысным гербам Пагоней выклікал непадробную зацікаўленнасць. І галоўнае, падчас мерапрыемства ні адзін слуп не пацярпеў.