Дажынкі style на М1

Не думаў, што так шмат фігур, ад прымітыўных да віртуозных, прысвечаных Дажынкам будзе размешчана ў Брэсцкай вобласці па абодва бакі трасы М1, калі адправіўся ў сталіцу. Таму свой рэпартаж пачну адтуль, а не наадварот. Не думаў і не гадаў, што зведаю шок пры спробе зрабіць першую фатаграфію для блога пад назвай «Беларусь - краіна для людзей» ці «За квітнеючую Беларусь» на фоне нашага сімвала, калі знайшоў цела. Думаю: прыехаў! Зараз зависну тут, тлумачачы ўсім, што не я яго збіў. Як стала зразумела пазней, цела было забіта, але часова і алкаголем, таму яму нічога не магло зрабіцца ў гразі пад дажджом. Брудны i мокры чалавек запатрабавал мяне вярнуцца на пару кіламетраў назад, каб вярнуць яго ў роднае сяло. Атрымаўшы адмову, пабрыў насустрач аўтамабілям на ўсялякі выпадак ці на аўтапілоце. Не думаў і не гадаў, калі падбіраў пазітыўны ракурс пра любоў да Беларусі, што выяўлю народны туалет за дадзенымі фігурамі і ці ледзь паспею ухіліцца ў апошні момант, каб не ўступіць у дадзеннае «каханне». Гэтая кампазіцыя, верагодна, сімвалізуе тое, што мы ўмеем рабіць лепш за ўсіх, на полі. Гуляць квадратным мячом у футбол. Гуляць у хакей або касіць і, вядома ж спяваць. Як там гаворыцца? Крытыкуючы - прапануй ці навучыўся крытыкаваць святое для нашай краіны, умей і пахваліць? Я проста фатаграфаваў факты і нічога больш. А наогул, напэўна, нічога атрымалася, раз народу падабаецца, асабліва расейцам, якія спыняюцца для таго, каб зрабіць новыя фатаграфіі для сацыяльных сетак.